2013 оны 06 сарын 04-ний өдөр Монгол Улсын ерөнхийлөгч Ц.Элбэгдорж Завхан аймгийн Доной нисэх буудалд буулаа.

Bi niseh durtai

Завхан нутгийн БАХАРХАЛ

Нисэх буудлын аюулгүй байдлыг хангах үүднээс бетонон хашаа барьлаа.

Нисэх буудлын хамгаалалтын торон хашааны зорчигч ихээр төвлөрч хориотой бүсэд явагдаж буй үйл ажиллагааг ойроос харах боломжтой хэсгийг битүүлж бетонон хана босгох ажлыг хийж гүйцэтгэлээ.

Гүний худагт шинээр торон хашаа хийлээ.

Нисэх буудлыг цэвэр усаар хангаж буй гүний худаг нь хамгаалалтын хашааны гадна байрлалтай байгаа нь гадны нөлөөлөлд өртөх магадлалтай тул худагт ажилчдын хүчээр  хамгаалалтын хашаа босгов.

ХБШЗ-нд хэсэгчилсэн засварын ажил хийлээ.

Доной нисэх буудлын Хөөрч буух шороон зурвас нь 2005 оноос хойш их болон урсгал засвар хийгдээгүйн улмаас зурвасны өнгө үеийн нягтарсан шороон үе суларч,онгоцны үлээлт, байгалийн салхинд хийсэн арилж, суурь чулуун үедээ хүрч агаарын хөлгийг хүлээн авахад  хүндрэлтэй болж, АТШ-г үл хангах хэмжээнд хүрсэн. Аэродромын хэвийн үйл ажиллагаа, аюулгүй байдлыг хангахад өөрсдийн нөөц бололцоог дайчлан ажиллаж нийт 380м³ шороог суурь чулуу ил гарсан хэсэгт асгаж, автогрейдрээр тарааж тэгшлэн ус цацаж зохих чийг өгөн төмөр булт индүүгээр нягтрууллаа. Зурвасны нийт хэсэгт /96000м2/  нягтруулга хийснээр зурвасны байдал харьцангуй сайжирлаа. 

Зорчигч бүртгэлийн үйл ажиллагаа

Бүртгэлийн цэгийн үйл ажиллагааг зорчигч үйлчлүүлэгчдэд илүү ойр байхаар тохижилтын ажлыг хийж ашиглаж байна.

Нисэх буудлын танилцуулгын самбараа шинэчлэн хийлээ.

Нисэх буудлын сурталчилгааны самбарыг орчин үеийн технологи дэвшилийн хүрээнд өнгө үзэмжтэй чанартай хийж байрлууллаа. Энэхүү самбарт нисэх буудлын түүх болон байгууллагын эрхэм зорилго, хэтийн зорилго,  зохион байгуулалтын нэгж, ажилчдын танилцуулга, зорчигч үйлчлүүлэгчдэд зориулсан мэдээлэл зэрэг агуулагдаж байгаа болно.  

Нисэх хүчний 88-н жилийн ойн баяр

Монгол Улсад нисэх хүчин үүсч хөгжсөний 88-н жилийн ойн баярын хүрээнд зохион байгуулагдаж буй болзолт уралдаанд Доной нисэх буудлын нийт ажилласад өөрийн хүч хөдөлмөр авъяас чадвараа дайчлан ажиллаж байгууллага хамт олноороо хамтран зүтгэж байр эзлэхийн төлөө ажиллаж байна. 

Нийт ажиллагсаддаа  Доной нисэх буудлын захиргааны зүгээс талархал илэрхийлье.